İngiltərədəki üç hava bazası üzərində naməlum pilotsuz uçuş aparatları müşahidə edilib.
NOCOMMENT.az xəbər verir ki, bu barədə The Guardian məlumat yayıb.
“Kiçik pilotsuz uçuş aparatları noyabrın 20-dən 22-dək Suffolkdakı Lenkeyhit və Mildenhall aviabazaları və Norfolkdakı Feltvell aviabazaları üzərində müşahidə edilib”, – məlumatda deyilir.
Bu bazaları idarə edən ABŞ Hərbi Hava Qüvvələri pilotsuz təyyarələrin göründüyünü təsdiqləyib.
Böyük Britaniya Müdafiə Nazirliyinin sözçüsü bildirib ki, o, hərbi obyektlərlə bağlı təhdidləri ciddi qəbul edir.
Qeyd olunur ki, insident bazaların və ya kontingentin kritik infrastrukturunun fəaliyyətinə təsir göstərməyib.
