Ukraynada vətəndaşların 64%-i münaqişənin dondurulması ilə bağlı Rusiya Federasiyası ilə danışıqların başlanmasının tərəfdarıdır, çünki ölkə artıq böyük itkilərə məruz qalıb.
NOCOMMENT.az xəbər verir ki, bu barədə Strana.ua “Sosial Monitorinq” analitik mərkəzinin sorğusuna istinadən məlumat yayıb.
Respondentlərin 31%-i danışıqların əleyhinə çıxıb.
Həmçinin, ukraynalıların 39%-i bildirib ki, münaqişədə qələbə 1991-ci ildə Ukraynanın beynəlxalq səviyyədə tanınmış sərhədlərinə çıxış olmalıdır. Respondentlərin 56%-i bununla razılaşmır.
Araşdırmanın telefon müsahibəsindən istifadə edilərək aparıldığı və 1,2 min respondentin iştirak etdiyi vurğulanır.
Noyabrın 19-da Gallup sorğusunun nəticələrinə görə məlum olub ki, ukraynalıların əksəriyyəti (52%) münaqişənin tezliklə dayandırılmasını və danışıqlara başlanılmasını istəyir.
Araşdırma 2022 və 2023-cü illərdəki göstəricilər fonunda sülh danışıqlarına tez bir zamanda başlamaq istəyən Ukrayna vətəndaşlarının sayının artdığını göstərib. Daha sonra oxşar cavabı respondentlərin müvafiq olaraq 22% və 27%-i verib.
Döyüş əməliyyatlarının davam etdirilməsini zəruri hesab edən vətəndaşların sayı getdikcə azalır. 2022-ci ildə 72%, 2023-cü ildə 63%, 2024-cü ildə 38% olub.
