Estoniya Konstitusiyasının müəllifləri Estoniya parlamentinin dəstəklədiyi Rusiya və Belarus vətəndaşlarının bələdiyyə seçkilərində səs verməsini qadağan edən qanun layihəsini tənqid ediblər.
NOCOMMENT.az xəbər verir ki, bu barədə ERR məlumat yayıb.
“Estoniya konstitusiyasının müəllifləri hakim koalisiyanın Estoniyada üçüncü ölkə vətəndaşlarının səsvermə hüquqlarını məhdudlaşdırmaq üçün əsas qanuna dəyişiklik etmək planlarını tənqid ediblər”, – bəyanatda deyilir.
Qeyd olunur ki, “tanınmış siyasətçilər indiki parlamentarilərin həvəsini bölüşmürlər”. O da bildirilir ki, 1992-ci il Estoniya Konstitusiyasının yaradıcılarının qeydi nəzərə alınıb, lakin qanun layihəsinin hakimiyyət tərəfindən müzakirəsi davam etdiriləcək.
