Culfa rayonunun bəzi kəndlərində elektrik enerjisinin verilişində fasilə yaranacaq.
NOCOMMENT.az xəbər verir ki, bu barədə Naxçıvan Dövlət Energetika Xidməti məlumat yayıb.
“Çeşməbasar” yarımstansiyasından qidalanan 35/10 kilovoltluq “Əbrəqunus” hava elektrik verilişi xətti aparılan təmir işlər ilə əlaqədar sifarişə əsasən açılacaq.
Bu səbəbdən, dekabrın 7-də saat 10:30-dan 11:30-a qədər Culfa rayonunun Əbrəqunus, Ərəzin, Bənəniyar, Qızılca, Kırna, Saltaq, Xoşkeşin, Camaldın, Ləkətağ, Boyəhməd kəndlərində elektrik enerjisinin verilişində qısa fasilələr yaranacaq.
