Suriyanın Heyət Təhrir əl-Şam lideri Əbu Məhəmməd əl-Culani deyib ki, hökumət əleyhinə qüvvələr koalisiyasının məqsədi Suriya prezidenti Bəşər Əsədi devirməkdir.
NOCOMMENT.az xəbər verir ki, Hələb və Həmada yaraqlıların sıçrayışından qısa müddət sonra CNN-ə verdiyi müsahibədə o, institutlara əsaslanan hökumət və “xalq tərəfindən seçilən şura” yaratmaq niyyətini açıqlayıb.
“Məqsədlərdən danışanda, inqilabın məqsədi bu rejimin devrilməsi olaraq qalır. Bu məqsədə çatmaq üçün bütün mövcud vasitələrdən istifadə etmək hüququmuz var”, – deyə Əbu Məhəmməd əl-Culani bildirib. “Rejimin məğlubiyyətinin toxumları lap əvvəldən ona atılıb. İranlılar vaxt udaraq onu dirçəltməyə, sonradan ruslar da dəstəkləməyə çalışdılar. Amma həqiqət qalır: bu rejim ölüb”, – qrup lideri əlavə edib.
