Hazırda Suriyada vəziyyətin pisləşməsi fonunda Rusiya qoşunlarının Tartus və Xmeymimdəki bazaları tərk etməsinə dair heç bir əlamət yoxdur.
NOCOMMENT.az xəbər verir ki, bu barədə Washington Post (WP) qəzeti analitiklərə istinadən məlumat yayıb.
Materialda qeyd edildiyi kimi, qoşunların Tartus və ya Xmeymimdən geniş miqyasda çıxarılmasına dair “hələ heç bir sübut yoxdur”. Müəlliflərin fikrincə, Suriyadakı hərbi bazalar Rusiya üçün əsas əhəmiyyət kəsb edir.
Qəzet xatırladır ki, Xmeymim aviabazası Suriya terror qruplaşmalarına zərbələr endirmək üçün istifadə edilib. Bundan əlavə, o, Rusiyanın Afrikadakı hərbi mövcudluğunu genişləndirmək üçün tramplin kimi istifadə edilib, mətndə deyilir.
Dekabrın 9-da səhər saatlarında məlum olub ki, Suriyada müxalifət Rusiya hərbi bazalarının yerləşdiyi Latakiya əyalətinə tam nəzarəti ələ keçirib. Eyni zamanda yaraqlılar Rusiyanın Tartus və Xmeymimdəki bazalarına soxula bilməyiblər ki, onlar hazırda həmişəki kimi fəaliyyət göstərirlər.
