Cari ilin yanvar-sentyabr aylarında Azərbaycana xarici ölkələrdən 22 min 150 kiloqram nar gətirilib.
NOCOMMENT.az rəsmi məlumatlara istinadən xəbər verir ki, bu miqdarda məhsul alışına 47 min 750 dollar vəsait ödənilib. İdxal olunan məhsulun bir kiloqramının orta qiyməti 2,15 dollar (3 manat 66 qəpik) olub. Ən bahalı nar Perudan (bir kiloqramı 4,25 manata), ən ucuz nar isə İrandan (bir kiloqramı 1,7 manata) alınıb.
Azərbaycana nar gətirilən ölkələr və alınan narın qiyməti ilə aşağıdakı cədvəldən tanış ola bilərsiniz:
| Ölkələr | Miqdar (ton) | Məbləğ (min ABŞ dolları) | Bir kiloqram üçün orta qiymət (manatla) |
| Cənubi Afrika Respublikası | 1,73 | 4,31 | 4,23 |
| İran İslam Respublikası | 0,56 | 0,56 | 1,7 |
| Peru | 14,83 | 37,09 | 4,25 |
| Türkiyə | 5,03 | 5,79 | 1,95 |
| Valyuta.az |
Bu dövrdə Azərbaycandan xarici ölkələrə 6 milyon 268 min 20 kiloqram miqdarında, 5 milyon 569 min 680 dollar dəyərində nar ixrac olunub. İxrac olunan məhsulun bir kiloqramının orta qiyməti 0,88 dollar (1,51 manat) olub. Ən bahal nar Səudiyyə Ərəbistanına (bir kiloqramı 19,98 manata), ən ucuz nar isə Gürcüstana (1,13 manata) satılıb.
Azərbaycandan nar ixrac olunan ölkələr və satılan narın qiyməti ilə aşağıdakı cədvəldən tanış ola bilərsiniz:
| Ölkələr | Miqdar (ton) | Məbləğ (min ABŞ dolları) | Bir kiloqram üçün orta qiymət (manatla) |
| Belarus | 61,16 | 53,79 | 1,49 |
| Qazaxıstan | 70,92 | 50,18 | 1,2 |
| Moldova | 10,2 | 9,69 | 1,61 |
| Rusiya | 5589,63 | 5011,46 | 1,52 |
| Ukrayna | 270,07 | 259,91 | 1,63 |
| Gürcüstan | 260,54 | 173,71 | 1,13 |
| Qətər | 5,05 | 5,66 | 1,9 |
| Səudiyyə Ərəbistanı | 0,45 | 5,29 | 19,98 |
