Cənubi Koreyanın xarici işlər naziri Ço Tae-yol və ABŞ dövlət katibi Antoni Blinken Şimali Koreyanın raket buraxılışını pisləyib.
NOCOMMENT.az xəbər verir ki, Cənubi Koreya Xarici İşlər Nazirliyinin rəhbəri bu barədə Seulda keçirilən danışıqların yekunlarına dair mətbuat konfransında bildirib.
“Biz bu gün Şimali Koreyanın ballistik raketinin buraxılışını pisləyirik”, – deyə o vurğulayıb.
Cənubi Koreyalı nazir qeyd edib ki, o, Blinkenlə KXDR-in nüvə proqramı və Moskva ilə Pxenyan arasında əməkdaşlıq, eləcə də BMT-nin KXDR-ə qarşı sanksiyalarına əməl olunması məsələlərini müzakirə edib.
Cənubi Koreyaya görə, orta mənzilli ballistik raketin buraxılması yerli vaxtla günorta (Moskva vaxtı ilə 06:00) Pxenyan ərazisindən Yapon dənizinə doğru baş verib. Raket təxminən 1100 km məsafə qət edib.
