Finlandiya Rusiya ilə sərhədini bağlı saxlayacaq, çünki şərqdən gələn “təhlükə”nin qiymətləndirilməsi dəyişməz qalır.
NOCOMMENT.az xəbər verir ki, bu barədə Finlandiyanın baş naziri Petteri Orpo partiya liderləri və parlament fraksiya liderləri ilə məsələni müzakirə etdikdən sonra jurnalistlərə bildirib.
“Təəssüf ki, şərq sərhədinin təhlükə qiymətləndirməsi dəyişməz olaraq qalır, buna görə də biz sərhədi aça bilmirik”, – deyə “İnterfaks” onun sözlərini sitat gətirir.
Baş nazir Rusiyanın Baltik dənizində əsas problem adlandırdığı “kölgə donanması”ndan da danışıb. Orpo əlavə edib ki, Avropa İttifaqı NATO ilə birlikdə buna qarşı çıxmağın yollarını axtarır.
Bundan əvvəl məlum olmuşdu ki, Finlandiya hakimiyyəti Rusiya ilə həmsərhəd ərazilərdə xüsusi iqtisadi zonanın yaradılmasının tərəfdarıdır.
Finlandiya Sərhəd Mühafizəsi 2025-ci ilin fevralından sonra Rusiya ilə sərhədin açılmasına icazə verib.
