ABŞ-nin cənubunda qeydə alınan fırtına səbəbindən 3000-dən çox reys ləğv edilib.
NOCOMMENT.az bildirir ki, Delta Hava Yolları verdiyi açıqlamada qışı gözlədiklərindən daha sərt keçirdiklərini və Atlanta Beynəlxalq Hava Limanında 5 uçuş-enmə zolağının fırtına səbəbilə iki saatlıq bağlandığını bildirib.
Açıqlamada, fırtına səbəbiylə cümə günü 1100 uçuşun ləğv edildiyi vurğulanıb. Bildirilib ki, həftənin əvvəlindən başlayan tufan 5 nəfərin ölümünə səbəb olub. Fırtına ölkənin mərkəzi və şərq bölgələrinə zərər verib, bəzi yerlərdə temperatur -18 dərəcəyə enib və on minlərlə insan işıqsız qalıb.
Aviaşirkətlərin və uçuş izləmə saytlarının məlumatına görə, minlərlə uçuş gecikib.\\Sfera.az
