ABŞ-ın yeni seçilmiş prezidenti Donald Tramp inauqurasiya üçün rekord məbləğ toplayıb – 150 milyon dollar.
NOCOMMENT.az xəbər verir ki, bu barədə “The Washington Post” qəzetinə adı açıqlanmayan Respublikaçılar Partiyasının nümayəndəsi bildirib.
“Noyabr seçkilərində qalib gəldikdən sonra Trampın inauqurasiya komitəsi 150 milyon dollardan çox vəsait toplayıb”, – məqalədə deyilir.
Əsas sponsorlar arasında Microsoft, Google, Meta, Uber, Boeing və Lockheed Martin kimi təşkilatlar var.
2025-ci ildə siyasətçinin andiçmə tədbirlərinə vəsait ayırmağa rəsmi razılıq verən 40 fiziki şəxs və şirkətdən 60 faizdən çoxunun 2017-ci ildə ilk andiçmə mərasiminin sponsorluğunda iştirak etmədiyi vurğulanır.
Mərasimdən 90 gün sonra komitə tərəfindən toplanan vəsaitlər haqqında tam hesabat ABŞ Federal Seçki Komissiyasına təqdim olunacaq.
