Rusiya prezidenti Vladimir Putin Amerika lideri Donald Trampa necə təsir edəcəyini bilir, ABŞ-ın keçmiş milli təhlükəsizlik müşaviri Con Bolton deyib.
NOCOMMENT.az xəbər verir ki, bu barədə, Newsweek məlumat yayıb.
“Düşünürəm ki, Putin Trampa təsir göstərməyə çalışacaq. Düşünürəm ki, o, bunu necə edəcəyini bilir. O, Trampla necə davranacağını bilir”, – Bolton bildirib. O əlavə edib ki, Ukrayna üçün təhlükəli vəziyyət yaranır.
Bundan əvvəl Rusiya prezidenti bildirib ki, o və Tramp iki ölkəni maraqlandıran bütün sahələr üzrə görüşməli və sakit danışmalıdır. O, amerikalı siyasətçi ilə həmişə işgüzar, praqmatik münasibətdə olduğunu da qeyd edib . Rusiya lideri qeyd edib ki, Moskva Trampın onun birgə işləməyə hazır olması ilə bağlı bəyanatlarını görür və buna hər zaman açıqdır.
Bu arada Rusiya prezidentinin mətbuat katibi Dmitri Peskov Vladimir Putinin Trampla əlaqə saxlamağa hazır olduğunu bildirib. Moskva Vaşinqtondan müvafiq siqnallar gözləyir.
