Kreml ABŞ-nin keçmiş prezidenti Co Bayden administrasiyasının Rusiya lideri Vladimir Putinə qarşı sui-qəsd cəhdinə hazırlaşdığı iddiasını şərh etməkdən çəkinir.
NOCOMMENT.az xəbər verir ki, bu barədə Rusiya prezidentinin mətbuat katibi Dmitri Peskov brifinqdə bildirib.
“Biz Karlson bu barədə danışarkən nə demək istədiyini tam başa düşmürük. O, heç bir konkret məlumat vermədi, ona görə də deyilənləri şərh edə bilmərəm. Zaman elə bir şeydir ki, kimdən gəlməsindən asılı olmayaraq, əsassız məlumatlara inanmamaq daha yaxşıdır”, – Kreml nümayəndəsi bildirib.
Yanvarın 28-də Taker Karlson Mett Taibbiyə verdiyi müsahibədə Bayden administrasiyasının Antoni Blinkenin bu işdə fəal rol oynadığını əsas gətirərək, Rusiya prezidenti Vladimir Putini devirməyə çalışdığını söyləyib. Amerikalı jurnalist sözləri ilə bağlı heç bir sübut və ya təfərrüat təqdim etməyib.\\unikal
