ABŞ Beynəlxalq İnkişaf Agentliyinin (USAID) keçmiş rəhbərləri agentliyin bağlanmasına qarşı çıxış ediblər.
NOCOMMENT.az xəbər verir ki, bu barədə CNN məlumat yayıb.
“Biz inanırıq ki, USAİD və ABŞ-ın xarici yardım proqramları dövlətimizin maraqları üçün həyati əhəmiyyət kəsb edir və agentliyin əməkdaşları hər birimizə yaxşı xidmət göstəriblər”, – Respublikaçılar və Demokratlar partiyalarından olan beş keçmiş agentlik rəhbəri deyib.
Onlar həmçinin ABŞ Konqresini “agentliyin qanuni rolunu təcili şəkildə qorumağa” çağırıblar. Onların fikrincə, “USAID-i zəiflətmək və ya məhv etmək cəhdləri heç bir tərəfə fayda verməyəcək və bütün amerikalılara zərər verəcək”.
Əvvəllər məlum olub ki, Ukrayna 2022-ci ildən başlayaraq vəsaitin 27,2 faizini alaraq USAİD-in ən böyük benefisiarı olub. Cəmi üç il ərzində agentlik Kiyevə 32,4 milyard dollar ayırıb.
