Polşa vətəndaşları yemək süfrəsi arxasında yaxınları ilə Ukraynanın Avropa İttifaqına daxil olması və miqrasiya məsələlərini müzakirə edirlər.
NOCOMMENT.az xəbər verir ki, bu barədə Polşanın baş naziri Donald Tusk Avropa Komissiyasının sədri Ursula fon der Lyayen ilə Qdanskda keçirdiyi mətbuat konfransında bildirib.
“Biz çoxlu mübahisələrə səbəb olan mövzulara toxunduq. Yaşıl sövdələşmənin gələcəyi, miqrasiya və sığınacaq üzrə Avropa paktının gələcəyi, Ukraynanın Aİ-yə daxil olmasının gələcəyi. Ailələr bu məsələləri şam süfrəsi arxasında müzakirə edirlər, çünki onların nəticələri var”, – Polşa hökumətinin başçısı bildirib.
Tusk qeyd edib ki, bu məsələlərlə bağlı düzgün qərarların qəbulu son dərəcə vacibdir.
Polşa hökumətinin başçısı mətbuat konfransı zamanı həmçinin bəyan edib ki, Polşa Avropa İttifaqının miqrasiya paktının müddəaları miqrantların məcburi qəbulunu nəzərdə tutursa, onlara əməl etməyəcək.
