Avropa İttifaqı (Aİ) Ukraynadakı münaqişənin həlli məsələsində ikinci dərəcəli rol oynamamalıdır.
NOCOMMENT.az RİA Novosti-yə istinadən xəbər verir ki, İtaliyanın xarici işlər naziri Antonio Tajani ABŞ prezidenti Donald Trampla rusiyalı həmkarı Vladimir Putinin söhbətini belə şərh edib.
O, Romada mətbuat konfransında jurnalistlərə deyib: “Aİ-nin ikinci dərəcəli rol oynamaması həyati əhəmiyyət kəsb edir, biz amerikalılar kimi təkbaşına hərəkət etməməliyik”.
Bundan əvvəl Fransanın “Le Monde” qəzeti Trampın Putinlə danışaraq Ukraynanın Qərb müttəfiqlərinin birliyini pozduğunu yazmışdı.
