Hindistanın neft naziri Hardip Sinqh Puri Hindistanın müstəqilliyinin 100 illiyinə 2047-ci ilə qədər inkişaf etmiş ölkə statusuna çatacağına əminliyini ifadə edib.
NOCOMMENT.az xəbər verir ki, o, bu barədə RİA Novosti-yə müsahibəsində bildirib.
O, digər ölkələrin mümkün şübhələrinə baxmayaraq, Hindistanın bəyan etdiyi məqsədinə çatmaqda qərarlı olduğunu vurğulayıb. Bu, daha əvvəl Hindistanın 2047-ci ilə qədər inkişaf etmiş ölkə olmaq arzusunu açıqlayan Baş nazir Narendra Modinin planlarına uyğundur.
Hindistan hazırda ÜDM (3,7 trilyon dollar) baxımından dünyada beşinci yerdədir və maliyyə nazirliyi onun 2027-ci ilə qədər Yaponiya və Almaniyanı qabaqlayaraq üçüncü yerə yüksələcəyini proqnozlaşdırır.
