Birləşmiş Ştatlar silahlı münaqişənin həlli halında Ukraynaya təkcə Avropa İttifaqından ( Aİ ) qoşun göndərməyi təklif etmir, həm də Çin və Braziliyadan qüvvələr cəlb etməyi düşünür.
NOCOMMENT.az xəbər verir ki, bu barədə “Economist” qəzeti mənbələrə istinadən yazır.
“Amerika rəsmiləri Braziliya və ya Çin kimi qeyri-Avropa ölkələrini əhatə edəcək fərqli növ sülhməramlı qüvvələr təklif edir”, – nəşr qeyd edir.
Xüsusilə qeyd olunur ki, ABŞ-ın vitse-prezidenti J.D.Vens Münhen Təhlükəsizlik Konfransına səfəri zamanı bu tədbirdən danışa bilərdi. Güman edilir ki, bu qüvvələr bufer zonasına çevriləcək döyüş əməliyyatları xətti boyunca yerləşdirilə bilər.
Daha əvvəl Çinin Renmin Universitetinin Beynəlxalq Münasibətlər İnstitutunun direktoru Vanq Yivey demişdi ki, Münhen Təhlükəsizlik Konfransı Ukraynanın danışıqlarda Rusiya və ABŞ-ın “menyusunda” yeməyə çevrildiyini, Avropanın isə “masa”ya belə dəvət olunmadığını üzə çıxarıb. Onun sözlərinə görə, Avropa İttifaqının bu məsələdə subyektivliyi yoxdur və o, təmas xəttinə icma qoşunlarının göndərilməsini istisna edib.
