Azərbaycanın xarici ticarət dövriyyəsindəki əsas ÖLKƏLƏR və MƏBLƏĞLƏR

2025-ci ilin yanvar ayı üzrə Azərbaycanın xarici ticarət dövriyəsi 5 090 838.13 min $ (5 milyard 90 milyon 838 min) təşkil edib.

NOCOMMENT.az xəbər verir ki, bu məbləğin 3 038 454.32 min $-ı ixracın payına, 2 052 383.81 min $-ı isə idxalın payına düşüb. Yəni, ümumi ticarət dövriyəsinin 59.68 %-ni ixrac, 40.32 %-ni isə idxal təşkil edib.

Qeyd edək ki, sözügedən dövrdə xarici ticarət dövriyyəsində 987 milyon $-lıq müsbət saldo yaranıb.

Toplamda dünyanın 100-dən artıq ölkəsindən 5120 növdə məhsul idxal olunub. İxrac olunan məhsulların sayı isə 1 027 olub.

Bəs xarici ticarət dövriyyəsindəki əsas ölkələr hansılardır? 

5 milyard 90 milyon 838 minlik ticarət dövriyyəsində ilk yeri 1 432 818.37 min $ ilə (1 milyard 432 milyon 818 min 370) İtaliya tutub. İtaliya ilə aparılan ticarət ümumi ticarət dövriyyəmizin 28.15 %-ni təşkil edib.

II sırada 483 292.95 min $ ilə Türkiyə, III sırada isə 411 813.07 min $ ilə Rusiya qərarlaşıb. Türkiyə ticarət dövriyyəsini 9.49 %-ni, Rusiya isə 8.09 %-ni təşkil edib/

İlk beşliyi isə müvafiq olaraq 379 557.03 min $ ilə Çin və 283 431.90 min $ ilə Almaniya tamamlayıb.

Avstraliya, Çexiya, Böyük Britaniya, Xorvatiya, Meksika ilk onluğu tamamlayan ölkələr olub.

Qeyd edək ki, Avstraliya ilə ticarət dövriyyəmiz  226 683.21 min $ (226 milyon 683 min 210), Çexiya ilə  208 500.05 min $ (208 milyon 500 min 50), Böyük Britaniya ilə 193 992.72 min $ (193 milyon 992 min 720), Xorvatiya ilə 188 904.31 min $ (188 milyon 904 min 310), Meksika ilə isə 180 208.57  min $ (180 milyon 208 min 570) təşkil edib.

Aşağıdakı cədvəldə yanvar ayı üzrə xarici ticarət dövriyyəmizdəki əsas ölkələri və onlarla aparılan ticarətin ümumi xarici ticarət dövriyyəsindəki çəkisini görə bilərsiniz:\\Valyuta.Az