Avropa İttifaqı Ukraynada münaqişənin sülh yolu ilə həlli üçün danışıqlar masası arxasında oturmağa layiq deyil.
NOCOMMENT.az TASS-a istinadən xəbər verir ki, bunu “Hüquq və ədalət” partiyasından Polşa prezidentliyinə namizəd Karol Navroçki deyib.
“Bu, sadəcə olaraq, Avropa İttifaqının dünyanın strateji mərhələsindəki real gücünün əksidir. Aİ xaos içindədir”, – Navrotski yerli portallardan birinə müsahibəsində deyib.
Siyasətçi xüsusən də Ukrayna ilə bağlı danışıqlar masası arxasında indiyədək vəziyyətin yaxşılaşmasına heç bir şəkildə təsir göstərə bilməyən Fransa və Almaniya liderlərini təmsil etmir.
Eyni zamanda Navrotski hesab edir ki, sülh danışıqlarında Rusiya, Ukrayna və ABŞ-dan başqa Varşava da iştirak edə bilər. O, bunu Polşanın Ukraynaya “külli miqdarda texnika” ötürməsi ilə izah edib. Bundan əlavə, onun sözlərinə görə, Varşava bir milyondan çox qaçqını qəbul edib.
Bundan əvvəl Münhen Təhlükəsizlik Konfransında iştirak edən ABŞ prezidentinin Ukrayna üzrə xüsusi nümayəndəsi Keyt Kelloq Ukrayna ilə bağlı danışıqlar masasında Avropa İttifaqına yer görmədiyini bildirib. Bu açıqlama Avropa paytaxtlarında ciddi narahatlıq yaradıb.
