Çexiya prezidenti Petr Pavel bildirib ki, ABŞ administrasiyasının son hərəkətləri və bəyanatları Avropanın müstəqil olması üçün güclü stimula çevrilib.
NOCOMMENT.az xəbər verir ki, bu barədə o, Denik N-ə müsahibəsində bildirib.
Onun sözlərinə görə, ABŞ-ın məqsədi Avropanı süst yuxusundan oyatmaq idisə, deməli, bu məqsədə nail olunub. Pavel Avropa ölkələrinin təhlükəsizlik sahəsində müstəqil qərarlar qəbul etməyi və xaricdəki müttəfiqlərin daimi nəzarəti olmadan hərəkət etməyi tez bir zamanda öyrənməsinin vacibliyini vurğulayıb.
“Əgər ABŞ-ın məqsədi Avropanı letargik yuxusundan çıxarmaq idisə, buna nail oldular. ABŞ-ın diqqəti Sakit okean regionuna yönəldiyi üçün biz mümkün qədər tez qərar qəbul etməyi və müstəqil hərəkət etməyi öyrənməliyik”, – Pavel bildirib.
O qeyd edib ki, ABŞ ilə əməkdaşlıq vacib olsa da, Avropa transatlantik münasibətlərin dəyişən xarakterini dərk edərək daha çox öz gücünə arxalanmalıdır.
