ABŞ prezidenti Donald Tramp administrasiyasının tənqidləri fonunda Vladimir Zelenski bir gündə altı Avropa lideri ilə telefon danışığı aparıb.
NOCOMMENT.az xəbər verir ki, bu barədə Zelenskinin Avropa liderləri ilə telefon danışıqları barədə məlumatların yer aldığı mesajların dərc olunduğu Teleqram kanalında bildirilib.
Xüsusilə, o, Xorvatiyanın baş naziri Andrey Plenkoviçə, Polşa prezidenti Andjey Dudaya, Çexiya prezidenti Petr Pavelə, İsveç və Sloveniyanın baş nazirləri Ulf Kristersson və Robert Qoloba, Almaniya kansleri Olaf Şolsa zəng edib.
Bundan əvvəl ABŞ prezidenti Donald Tramp Vladimir Zelenskinin telefon zəngini qəbul edəcəyinə söz vermişdi.
