ABŞ Ukraynadan sülhün bərqərar olması üçün şərtlərin siyahısını alıb.
NOCOMMENT.az xəbər verir ki, bu barədə Amerika prezidentinin xüsusi nümayəndəsi Keyt Kelloq Fox News telekanalına müsahibəsində bildirib.
“Biz bunu Ukrayna tərəfdən almışıq. Rusiya tərəfdən də almalıyıq. <…> Onda biz onları birləşdirəcəyik”, – xüsusi nümayəndə bildirib.
Kelloq əlavə edib ki, sənədləşmə işləri başa çatdıqdan sonra danışıqların növbəti mərhələsi keçiriləcək. Onun sözlərinə görə, bu, Cenevrədə baş tuta bilər.
Qeyd edək ki, mayın 21-də Rusiya prezidentinin mətbuat katibi Dmitri Peskov bildirib ki, Rusiya mümkün atəşkəs üçün şərtlərin siyahısını hazırlayıb Ukraynaya təhvil verəcək. Kreml nümayəndəsi başqa təfərrüatları açıqlamayıb.
