Volqoqrad vilayətinin hakimiyyət orqanları təhlükəsizlik məqsədilə regionda mobil internetin fəaliyyətini məhdudlaşdırdıqlarını bəyan ediblər.
NOCOMMENT.az xəbər verir ki, bu barədə V1.ru Volqoqrad vilayətinin informasiya texnologiyaları komitəsinin nümayəndələrinin bəyanatına istinadən xəbər verir.
“Rusiyanın digər regionlarında olduğu kimi, Volqoqrad vilayətində də mobil internetin fəaliyyətində fasilələr yarana bilər. Bu tədbirlər hərtərəfli təhlükəsizliyin təmin edilməsi məsələləri ilə bağlıdır, lakin onlar müvəqqəti xarakter daşıyır və bir qayda olaraq, ayrı-ayrı ərazilərə aiddir”, – komitə nümayəndələri əlaqənin kəsilməsinin zəruriliyini izah ediblər.
Rəsmilər rayon sakinlərini də bu cür tədbirlərə anlayışla yanaşmağa çağırıb.
İyunun ortalarında Rusiya regionlarının demək olar ki, üçdə birinin sakinləri mobil internetlə bağlı problemlərdən şikayət ediblər. Şikayətlərin əksəriyyəti Moskva və Sankt-Peterburqdan gəlirdi. Ölkədə mobil internetin müvəqqəti dayandırılması Qələbə bayramından əvvəl başlayıb. Mayın 7-nə keçən gecə bildirilib ki, pilotsuz təyyarələrin təhlükəsi ilə əlaqədar Rusiyanın 30-dan çox regionunda ona məhdudiyyət qoyulub.
