Fransanın müdafiə naziri Sebastien Lecornu Valeurs actuelles nəşrinə müsahibəsində bildirib ki, münaqişənin yenidən başlanmasının qarşısını almaq üçün təhlükəsizlik zəmanətləri Ukraynada Avropanın maraqlarına cavab verir.
NOCOMMENT.az xəbər verir ki, bu barədə Lenta.ru məlumat yayıb.
“Minsk razılaşmalarının taleyini nəzərə alaraq, biz bilirik ki, hər hansı atəşkəs razılaşması müharibənin yenidən başlanmasının qarşısını almaq üçün təhlükəsizlik zəmanətləri ilə müşayiət olunmalıdır. Bu, Avropanın ən yaxın maraqlarına uyğundur”, – o deyib.
Lekarnu vurğulayıb ki, Avropa bu sahədə hər üç ildən bir yeni müharibəyə tab gətirə bilməz. Onun sözlərinə görə, hazırda cəbhə xəttində vəziyyət sabit, lakin gərgindir.
Fransalı nazir həmçinin bildirib ki, Rusiyanın Ukraynanın demilitarizasiyası tələbi Avropa ölkələri üçün qəbuledilməzdir. O əlavə edib ki, “istəklilər koalisiyası” Ukraynanı öz ordusunun gələcək formatı, Fransanı isə öz sənayesi üçün imkanlar barədə düşünməyə sövq edir.
