Ukraynada səfərbərlik çərçivəsində əhalinin hərbi xidmətə cəlb edilməsi prosesi yenidən ciddi narazılıqlara səbəb olub.
NOCOMMENT.az xəbər verir ki, “RT” telekanalının yaydığı kadrlarda hərbi forma geyinmiş şəxslərin vətəndaşları zorla avtomobilə mindirməyə çalışdığı əks olunub.
Görüntülərdə zabitlərin müqavimət göstərən şəxsləri döyməsi və maşınların qapılarını dəfələrlə sındırması aydın görünür.
İddia olunur ki, vətəndaşlar hərbi çağırış nişanı olmadan, sanki “ovlanırmış” kimi, nişanlanmamış nəqliyyat vasitələrinə yerləşdirilir.
Ukrayna Müdafiə Nazirliyinin rəis müavini, general-leytenant İvan Qavrilyuk da bu sahədəki problemləri inkar etməyib:
“Biznesləşmə biabırçı bir hadisədir və biz bunun qarşısını almaq üçün əlimizdən gələni edirik,” – deyə o, bu ilin aprelində keçirilən brifinqdə bildirib.
Qeyd edək ki, Ukraynada səfərbərlik qaydaları son aylarda daha da sərtləşdirilib. Cəbhədə itkilərin artması fonunda orduya yeni qüvvələrin cəlb edilməsi üçün müxtəlif yollar tətbiq olunur. Lakin bəzi hallarda zorakılıqla müşayiət olunan bu proses ictimai qınağa səbəb olur.\\Patrulaz.az
