Ukrayna Xarici İşlər Nazirliyinin nümayəndəsi Georgi Tixiy süni intellekt sistemi Grok-a müraciət edərək Macarıstanın Baş naziri Viktor Orbana “Ukraynanın nə olduğu” barədə izahat verməsini istəyib.
NOCOMMENT.az xəbər verir ki, bu barədə o, “X” sosial şəbəkəsində məlumat verib.
“Əziz Grok, zəhmət olmasa Viktora izah edə bilərsənmi, Ukrayna nədir və harada yerləşir?”, – deyə Tixiy paylaşımında qeyd edib.
İyulun 17-də Macarıstan hökumət başçısı bəyan edib ki, Avropa Kiyevlə münasibət qurmazdan əvvəl Ukraynanın əslində nə olduğunu anlamağa çalışmalıdır.
Onun sözlərinə görə, ilk növbədə sülh sazişinin bağlanması vacibdir, bundan sonra isə Rusiya ilə uzunmüddətli razılaşmalar əldə olunmalı və Ukrayna ilə tərəfdaşlıq qurulmalıdır.
