Ukraynanın paytaxtı Kiyevdə hücum zamanı pilotsuz uçuş aparatlarının (PUA) yığılması ilə məşğul olan sexə zərər dəyib. Həmin sexə bir neçə gün əvvəl ABŞ prezidentinin Ukrayna üzrə xüsusi nümayəndəsi Kit Kelloq baş çəkmişdi.
NOCOMMENT.az xəbər verir ki, bu barədə Ali Radanın bitərəf deputatı Artyom Dmitruk özünün “Telegram” kanalında məlumat verib.
“Kiyevdə gecə saatlarında PUA yığım sexinə zərbə endirildi. Bir neçə gün əvvəl ora ABŞ-ın xüsusi nümayəndəsi Kit Kelloq gəlmişdi”, – deyə Dmitruk qeyd edib.
Bundan əvvəl şəhər administrasiyası gecə baş verən partlayışlardan sonra bir neçə rayonda anbar sahələrində yanğınların qeydə alındığını bildirmişdi. Yanğınlar Darnitsa və Dnepr rayonlarında müşahidə olunub.
