Avropa İttifaqının (Aİ) on yeddinci və on səkkizinci sanksiyalar paketinə cavab olaraq, Moskva Rusiyaya girişi qadağan edilənlərin siyahısını xeyli genişləndirib.
NOCOMMENT.az bildirir ki, bu barədə Rusiya Xarici İşlər Nazirliyinin rəsmi saytında dərc olunmuş bəyanatda məlum olub.
“Rusiya tərəfi bu qeyri-dost hərəkətlərə cavab olaraq Brüsselin anti-Rusiya siyasətinə inteqrasiya edən Avropa institutlarının, Aİ-yə üzv dövlətlərin və bir sıra Avropa dövlətlərinin dövlətimizin ərazisinə girişi qadağan olunmuş nümayəndələrinin siyahısını xeyli genişləndirib”, – XİN-in bəyanatında deyilir.
Rusiyanın Kiyevə hərbi yardım göstərən və Rusiya Federasiyasının ərazi bütövlüyünü pozmağa çalışan Aİ vətəndaşlarını sanksiya siyahısına daxil etdiyi vurğulanır.
Bundan əvvəl Aİ-nin Rusiyaya qarşı yeni, 18-ci sanksiyalar paketi qüvvəyə minib. Bu məhdudiyyətlər hövzəsi çərçivəsində Rusiya neftinin qiymət tavanı yenidən aşağı salınıb – bir barel üçün 47,65 dollar.
