Bakının Nərimanov rayonu ərazisində, dəmiryolunun mühafizə zolağında yerləşən evlər sökülür.
NOCOMMENT.az xezerxeber.az-a istinadən xəbər verir ki, söhbət Nərimanov rayonu, Aşıq Qərib və Məmməd Arif küçələrinin kəşisməsindən gedir.
Ərazidə yaşayan sakinlər bildiriblər ki, qeydiyyatda olduqları icra nümayəndəlikləri evlərinin söküləcəyini deyiblər. Onlar isə evlərinin sökülməsindən narazıdırlar.
Bildirilib ki, təxminən 10 gün əvvəl qeydiyyata alınma prosesi başlayıb.
Ancaq sakinlər hazırda onlara ətraflı məlumat verilmədiyini iddia edirlər.
Bununla bağlı “Azərbaycan Dəmir Yolları” QSC İctimaiyyətlə əlaqələr şöbəsinin müdiri Bəxtiyar Hacıyev bildirdi ki, əsasən Abşeron xətti üzrə dəmir yolunun mühafizə xəttinin nəzərə almadan tikilən evlər ciddi təhlükə törədir: “Dəmiryolları ətrafındakı belə tikililər dövlət layihələrinin həyata keçirilməsinə əngəllər yaradır, qanunsuz tikililər illərdir dəmiryol xətlərinə mütəmadi göstərilən texniki xidməti və təmir işlərini çətinləşdirir. Qeyd edlən sıx məskunlaşma qatarların qarşısına qəfil insan və heyvan çıxma hallarını intensivləşdirir. Bu hallar sakinlərin həyatını riskə atır. Həmçinin bu ərazilərdə sıx məskunlaşmaq qatarların aşağı sürətlə hərəkətinə səbəb olur ki, bu da ümumilikdə xidmət keyfiyyətinə təsir edir”.
Xezerxeber.az mövzu ilə bağlı daha ətraflı videomaterialı təqdim edir.
