Rusiya Hava Hücumundan Müdafiə Qüvvələri (HHM) Tula vilayəti üzərində hava məkanında pilotsuz uçuş aparatını (PUA) məhv edib.
NOCOMMENT.az xəbər verir ki, bu barədə vilayətin qubernatoru Dmitri Milyayev özünün Telegram kanalında məlumat verib.
“Xəsarət alan yoxdur. Binalara və infrastruktur obyektlərinə ziyan dəyməyib,” – deyə o qeyd edib.
Milyayev əlavə edib ki, regionda PUA hücumu təhlükəsi hələ də qalmaqdadır.
Bundan əvvəl Rusiya Müdafiə Nazirliyi məlumat yaymışdı ki, 21:00-dan 23:40-dək olan müddətdə Bryansk vilayətində 28, Kurskda 10, Rostovda 6, Orlovda 4 və Kalujskaya, Tula və Lipetsk vilayətlərinin hər birində 1 pilotsuz aparat məhv edilib.
