Çində uzun sürən yağışdan sonra böyük torpaq sürüşməsi baş verib.
NOCOMMENT.az bildirir ki, bu barədə Sinxua agentliyi xəbər verir.
Palçıq sürüşmələri respublikanın cənub-qərbində, Yunnan əyalətinin Puer şəhərində enib. Yerli vaxtla səhər saat 10 radələrində magistral yolda torpaq çökərək içərisində 5 nəfərin olduğu avtomobil basdırılıb. Xilasetmə əməliyyatında yanğınsöndürənlər, polis əməkdaşları, həkimlər və fövqəladə halların əməkdaşları da daxil olmaqla 80-dən çox insan iştirak edib. Dağıntıları təmizləmək üçün 5 ekskavator cəlb edilib. Sərnişinlərdən heç biri sağ qalmayıb: meyitlər sürüşmənin altından üç saat yarımdan çox vaxt sonra çıxarılıb.
Bundan əvvəl Hindistanın Himaçal-Pradeş ştatında torpaq sürüşməsi baş verib. Əllidən çox insan itin sayəsində kataklizmdən xilas olub. İt gecə yarısı hürərək və ulama ilə sahibini oyandırıb, bunun sayəsində evin divarında suyun sızdığı çatı aşkar edib.
