Kreml nümayəndəsi Dmitri Peskovun Rusiya və Ukrayna prezidentlərinin mümkün görüşü ilə bağlı bəyanatları vaxt udmağa cəhd kimi görünür, çünki bu açıqlamalarda konkret heç nə yoxdur.
NOCOMMENT.az xəbər verir ki, bu barədə Ukrayna prezidentinin ofisinin rəhbəri Andrey Yermak özünün Telegram kanalında bildirib.
Yermak vurğulayıb ki, Kiyev liderlər səviyyəsində görüşə hazırdır. O əlavə edib ki, Ukraynanın müttəfiqləri də bu təşəbbüsü dəstəkləyir. Bundan əlavə, Zelenskinin ofis rəhbəri ABŞ prezidenti Donald Trampa bu görüşü yaxınlaşdırmaq istədiyinə görə təşəkkür edib.
“O məsələ sadəcə hazırlıqla bağlıdırsa — bu artıq bizlik deyil: biz elə indi də hazırıq. Amma konkret tarix göstərilmədən sonsuz ‘istisna etmirik’ demələri — qəbuledilməzdir,” — deyə Yermak yazıb.
İyun ayının 19-da Peskov bildirmişdi ki, Putinin Tramp və Zelenski ilə görüşü yalnız ciddi hazırlıqlardan sonra mümkün ola bilər. O qeyd etmişdi ki, bu görüş uzunmüddətli işin nəticəsi və artıq razılaşdırılmış məsələlər əsasında baş tutmalıdır.
