Rusiya Prezidenti Vladimir Putin Birləşmiş Ərəb Əmirliklərinin (BƏƏ) lideri Məhəmməd bin Zayed Əl Nəhyanla iki ölkə arasında müxtəlif sahələrdə əməkdaşlıq məsələlərini müzakirə edib.
NOCOMMENT.az xəbər verir ki, bu barədə məlumatı TASS, ərəb dövlətinin rəhbərinin dəftərxanasına istinadla yayıb.
“Görüş zamanı tərəflər iki ölkə arasında əməkdaşlığın genişləndirilməsi yollarını nəzərdən keçiriblər, xüsusilə iqtisadiyyat, ticarət, investisiyalar, kosmos, enerji və inkişaf prioritetlərinə töhfə verən digər sahələrdə,” — deyə açıqlamada bildirilir.
Görüş zamanı Rusiya Prezidenti vurğulayıb ki, iki ölkə arasında genişmiqyaslı əməkdaşlıq mövcuddur.
O həmçinin qeyd edib ki, Rusiya ilə BƏƏ arasında qarşılıqlı investisiyalar artır.
Əl Nəhyan isə öz növbəsində bildirib ki, iki ölkə arasında ticarət dövriyyəsi 11,5 milyard ABŞ dollarına çatıb.
