“Təhsilin İnkişafı Fondu” publik hüquqi şəxsi tələbə yataqxanalarının texniki-iqtisadi əsaslandırma sənədinin hazırlanması məqsədilə “BERC Group” Məhdud Məsuliyyətli Cəmiyyəti ilə müqavilə imzalayıb.
NOCOMMENT.az 32gun.az-a istinadən xəbər verir ki,tərəflər arasında bağlanmış müqavilənin dəyəri 129.800 manat təşkil edir.
Əldə etdiyimiz digər məlumata əsasən, qalib şirkət – “BERC Group” MMC-nin 6349,69 manat məbləğində vergi borcu mövcuddur. Şirkətin nizamnamə kapitalı cəmi 20 manatdır və onun qanuni təmsilçisi Ruslan İsmayıl oğlu Məmmədovdur.
Xatırladaq ki, Təhsilin İnkişafı Fondunun İdarə Heyətinin sədri Elnur Nəsibovdur.
