Monteneqro Aİ-yə daxil olmaq üzrə Avropa Komissiyası ilə danışıqları 2026-cı ilin sonuna kimi başa çatdıra bilər.
NOCOMMENT.az bildirir ki, bu fikri genişlənmə üzrə Avropa komissarı Marta Kos Avstriyanın gənclər, ailə, Avropa İttifaqı və inteqrasiya məsələləri üzrə naziri Klaudiya Plakolmla birgə mətbuat konfransında bildirib.
“İki namizəd dövlət [Aİ üzvlüyünə doğru] xüsusi irəliləyiş əldə edib. Monteneqro artıq [qoşulmaq üçün] bütün meyarlara cavab verir. Əgər işlər bu ruhda davam edərsə, biz danışıqları 2026-cı ilin sonuna qədər, ondan sonra isə Albaniya ilə yekunlaşdıracağıq”, – o deyib.
Aİ-yə üzvlük üçün rəsmi namizəd statusu Albaniya, Bosniya və Herseqovina, Gürcüstan, Moldova, Şimali Makedoniya, Serbiya, Türkiyə, Ukrayna və Monteneqro tərəfindən verilir. İcmaya qoşulmaq üçün danışıqlar uzun çəkir. Türkiyə 1999-cu ildən, Serbiya 2012-ci ildən, Monteneqro 2010-cu ildən namizəd statusuna malikdir.
