Avropa İttifaqı ABŞ Prezidenti Donald Trampın bəyanatlarından sonra 2027-ci ilin sonuna qədər Rusiyadan mayeləşdirilmiş təbii qazın (LNG) alınmasını mərhələli şəkildə dayandırmağı planlaşdırır.
NOCOMMENT.az xəbər verir ki, bu barədə Bloomberg agentliyi məlumat yayıb.
Nəşrin xəbərinə görə, “Avropa İttifaqı Rusiya ilə enerji ticarətini məhdudlaşdırmaq üçün ABŞ Prezidentinin çağırışından bir neçə gün sonra maye qazdan mərhələli imtina planlarını sürətləndirməyi nəzərdən keçirir”.
Agentliyin məlumatına görə, Avropa Komissiyası yeni sanksiya paketinə Rusiyanın bütün LNG idxalının 2027-ci ilin sonuna qədər mərhələli dayandırılmasını daxil etməyi planlaşdırır.
Bloomberg xatırladır ki, Tramp administrasiyası Avropanı Rusiya yanacağının idxalını daha sürətli şəkildə azaltmağa çağırıb və həmçinin müttəfiqlərə Hindistan və Çin tərəfindən alınan Rusiya neftinə 100%-dək tariflər tətbiq etməyə təzyiq göstərib.
