ABŞ prezidenti Donald Tramp idxal olunan kino məhsullarına 100 faiz rüsum tətbiq edəcəyini vəd edib.
NOCOMMENT.az xəbər verir ki, bu barədə o, Truth Social sosial şəbəkəsində yazıb.
“Bizim kino istehsalı biznesimizi digər ölkələr ABŞ-dan sanki uşaqdan konfet alırmış kimi oğurlayıb”, – deyə o bildirib.
Amerikalı liderin sözlərinə görə, Kaliforniya və onun “zəif qubernatoru” bu vəziyyətdən ciddi zərbə alıb. Tramp əlavə edib ki, bu köhnə və sonsuz problemin həlli üçün ABŞ-dan kənarda istehsal olunan bütün filmlərə 100 faiz rüsum tətbiqi planlaşdırılır.
