Əfqanıstanda “Instagram”, “Facebook” və “Snapchat” sosial şəbəkələrinə giriş məhdudlaşdırılıb.
NOCOMMENT.az bu barədə “NetBlocks” internet monitorinq xidmətinə istinadən xəbər verir.
Bildirilir ki, “Instagram”, “Facebook” və “Snapchat” ölkə ərazisində bir neçə provayder tərəfindən məhdudlaşdırılıb. İnsident ötən həftə telekommunikasiyaların kəsilməsindən sonra baş verib.
Xatırladaq ki, “NetBlocks” sentyabrın 29-da “Taliban” hərəkatının “mənəviyyat qaydalarına əməl edilməsinin təmin edilməsi” üzrə gördüyü tədbirlər fonunda Əfqanıstanda internetin tam kəsilməsi barədə məlumat vermişdi.
