Kür çayının qollarından biri olan Akkuşa çayının Salyandan keçən hissəsi quruyur.
NOCOMMENT.az bildirir ki, bu barədə Oxu.Az-a Salyan rayon sakinləri məlumat veriblər.
Onların sözlərinə görə, əvvələr kənd təsərrüfatını və ətraf kəndlərin həyətını su ilə təmin edən bu çay indi demək olar ki, qurumaq üzrədir.
“Artıq uzun müddətdir çaydan su götürmək demək olar ki, mümkün deyil. Su səviyyəsinin aşağı düşməsi həm içməli su təminatımıza, həm də əkin sahələrimizin suvarılmasına ciddi təsir göstərir. Bu vəziyyət ildən-ilə daha da pisləşir. Xahiş edirik ki, bu problem müvafiq qurumlar tərəfindən araşdırılsın. Çaya su axınının bərpası üçün tədbirlər görülsün”, – deyə sakinlər bildiriblər.
Qeyd edək ki, “Bala Kür” kimi tanınan Akkuşa çayı Salyan şəhəri yaxınlığında Kür çayından ayrılan qoldur. Çayın uzunluğu 63 km təşkil edir.
