İsraildə azadlığa buraxılan fələstinli məhbuslar TRT Haber-ə danışaraq həbsxana şəraitindən və azad edilmə anından bəhs ediblər.
NOCOMMENT.az xəbər verir ki, bu barədə TRT Haber məlumat yayıb.
“Daxildə vəziyyət çox ağır idi. Daha 10 il həbsim qalmışdı. Azad olunmağımızda əməyi olan hər kəsə təşəkkür edirəm,” – deyə azad edilən Zayed əl-Cuneydi bildirib.
Zayed əl-Cuneydi deyib ki, azad ediləcəklərindən xəbərləri olmayıb:
“Əsgərlər bizə hücum etdilər, qandalladılar və Ofer həbsxanasına gətirdilər. Hara aparıldığımızı bilmirdik. Bizə azad olunacağımızı söyləmədilər.”
