ABŞ Prezidenti Donald Tramp İran, Çin və Suriya ilə bağlı bir sıra mühüm bəyanatlarla çıxış edib.
NOCOMMENT.az xəbər verir ki o, xüsusilə Tehrana ünvanlanan sərt xəbərdarlıqları ilə diqqət çəkib.
Tramp bildirib ki, İranın son davranışları narahatlıq doğura bilər, baxmayaraq ki, bu məlumatlar hələ tam təsdiqlənməyib:
“İran bəlkə də özünü düzgün aparmır. Bu, hələ təsdiqlənməyib, amma əgər təsdiqlənsə, onlar nəticələrin nə olacağını bilirlər. Bu nəticələr çox ciddi olacaq, hətta bəlkə də əvvəlkindən daha ağır”.
ABŞ Prezidenti qeyd edib ki, İran tərəfinə vaxtilə seçim təklif olunub: “Mən onlara seçim verdim. Dedim ki, razılaşma bağlaya bilərsiniz, bunu edin. Mənə inanmadılar. İndi isə mənə inanırlar”.
Tramp əlavə edib ki, əgər İran yenidən hərbi potensialını artırmağa cəhd edərsə, Vaşinqton tərəddüd etməyəcək:
“Ümid edirəm ki, onlar yenidən hərbi güc toplamağa çalışmırlar. Çünki əgər bunu edirlərsə, bizim bu potensialı çox qısa müddətdə məhv etməkdən başqa yolumuz qalmayacaq”.
ABŞ lideri vurğulayıb ki, İranın silah istehsalı ilə bağlı məlumatlar mövcuddur və Vaşinqton Tehranın hansı istiqamətdə hərəkət etdiyini dəqiq bilir:
“Əgər onlar silah və başqa vasitələr istehsal edirlərsə, deməli, bizim məhv etdiyimiz obyektlərdən istifadə etmirlər. Biz onların hara getdiyini və nə etdiyini dəqiq bilirik”.
Tramp ironik şəkildə əlavə edib ki, ABŞ yeni hərbi əməliyyat istəmir: “Ümid edirəm ki, bunu etmirlər. Çünki biz B-2 bombardmançıları ilə 37 saatlıq uçuş üçün yanacaq sərf etmək istəmirik”.
