İspaniya Litvanın Şyaulyay aviabazasında düşmən pilotsuz uçuş aparatlarını aşkarlamaq, izləmək və zərərsizləşdirmək üçün nəzərdə tutulmuş Crow sistemlərini yerləşdirib.
NOCOMMENT.az xəbər verir ki, bu barədə Litva Müdafiə Nazirliyi məlumat yayıb.
Sistemlər İspaniya Hərbi Hava və Kosmik Qüvvələrinə aid “Canavar” (Volk) taktiki aviasiya bölməsi tərəfindən idarə olunur. Bölmənin 9 hərbçidən ibarət heyəti onlara həvalə olunmuş hava məkanına daimi nəzarət edir və NATO-nun şərq sərhədini tanınmayan dron və hava şarlarından qorumağa çalışır.
Crow sistemi radarlar, kameralar, sensorlar və radioelektron mübarizə vasitələrinin kombinasiyasından istifadə edərək, kritik infrastruktur, hava limanları və hərbi obyektlər üçün “ağıllı qalxan” yaradır.
