İran Prezidenti Məsud Pezeşkian ölkənin xarici işlər nazirinə ABŞ ilə danışıqların mümkünlüyünü araşdırmağı tapşırıb.
NOCOMMENT.az xəbər verir ki, X sosial media platformasında dərc olunmuş paylaşımda Prezident Məsud Pezeşkian bildirib ki, ABŞ prezidentinin danışıqlar təklifi ilə bağlı regiondakı dost hökumətlərin xahişlərindən sonra İranın xarici işlər nazirinə aydın təlimatlar verib.
Prezident Pezeşkian yazıb: “Regiondakı dost hökumətlərin ABŞ Prezidentinin danışıqlar təklifinə cavab vermək xahişlərini nəzərə alaraq, xarici işlər nazirinə təhdidlərdən uzaq olan uyğun bir mühitin mövcud olması şərti ilə, ləyaqət, ehtiyatlılıq və məqsədəuyğunluq prinsiplərinə əsaslanan ədalətli və bərabər danışıqlar aparmağı tapşırmışam”.
İran İslam Respublikasının Prezidenti vurğulayıb: “Bu danışıqlar milli maraqlarımız çərçivəsində aparılacaq”.
