Albaniyanın paytaxtı Tiranda keçirilən Avropa çempionatı davam edir.
NOCOMMENT.az xəbər verir ki, bu gün Azərbaycanın daha güləşçisi döşək üzərinə çıxıb.
Yarışın üçüncü günündə Həsrət Cəfərov (67 kq) finalda Türkiyə təmsilçisi Murat Fıratla qarşılaşıb. O, rəqibinə qalib gələrək fəxri kürsünün ən yüksək pilləsinə yüksəlib.
Nihat Məmmədli (60 kq) isə bürünc medal uğrunda UWW təmsilçisi Suner Konunovla üz-üzə gəlib. O, rəqibindən güclü olaraq medala sahib çıxıb.
Qeyd edək ki, Avropa çempionatı aprelin 26-da başa çatacaq. Daha əvvəl yunan-Roma güləşçilərindən Rəşad Məmmədov (55 kq) və İslam Abbasov (87 kq) bürünc medal qazanıb.
Bu gün isə daha bir güləşçimiz Qurban Qurbanov (82 kq) isə eyni raundda UWW təmsilçisi Adlet Tyulyubaevlə qarşılaşacaq./Unikal/
