Rusiya istehsalı olan məşhur “Maşa və Ayı” cizgi filminin Azərbaycandan bəhs edilən son buraxılışı rəsmi yutub platformasından silinib.
NOCOMMENT yenisabah-a istinadən xəbər verir ki, sözügedən buraxılış erməni diasporu tərəfindən şikayət edilərək sildirilib.
Həmin bölümdə Azərbaycandan bəhs edilirdi və “Cırtdan” xalq nağılı əsasında hazırlanmışdı.
Buraxılışda Azərbaycanın milli mətbəxinin nümunələri – çörəkdən, dolmadan bəhs edilir, şəkərbura, paxlava nümayiş olunurdu.
Bundan başqa, filmdə məşhur “Cücələrim” mahnısı da səsləndirilirdi.
