Məhsa Əminin ölümünün birinci ildönümündə Avropa İttifaqı (Aİ) İranı insan haqlarına hörmətlə yanaşmağa, tərəfdar çıxdığı beynəlxalq müqavilələrə əməl etməyə və Aİ vətəndaşlarının həbsinə son qoymağa çağırıb.
NOCOMMENT.az xəbər verir ki, bu barədə Aİ-dən yazılı açıqlama verilib.
Bəyanatda, Tehran administrasiyasının Eminin ölümünün səbəb olduğu etirazlara reaksiyasının “yüzlərlə insanın ölümünə, minlərlə haqsız həbsə və zərərə səbəb olduğu” ifadə edilərək, ölkədə fikir və ifadə azadlığının məhdudlaşdırıldığı, insan haqlarının məhdudlaşdırıldığı vurğulanıb. İrandan ictimai və şəxsi həyatda qadın və qızlara qarşı sistemli ayrı-seçkiliyin bütün formalarını, həmçinin ölüm hökmünü ləğv etməyə çağırılıb.
