ABŞ Konqresinin Nümayəndələr Palatasındakı respublikaçılar prezident Co Bayden və onun administrasiyasını ABŞ qoşunlarının 2021-ci ildə Əfqanıstandan “xaotik” şəkildə çıxarılmasına görə tənqid ediblər.
NOCOMMENT.az xəbər verir ki, bu barədə müvafiq hesabatda deyilir.
Hesabatda qeyd edilir ki, administrasiya mülki şəxslərlə bağlı qərarı “çox gec” qəbul edib, rəsmi olaraq bu qərarı yalnız 16 avqust 2021-ci ildə verib və Vaşinqtondakı departamentlərlə Əfqanıstandakı rəsmilər arasında koordinasiyanı təmin edə bilməyib.
“Biz əfqan müttəfiqlərimizi Talibana – qoruyacağına söz verdiyimiz Əfqanıstan xalqına buraxdıqdan sonra Amerikanın dünya səhnəsindəki nüfuzu ciddi şəkildə sarsıldı”, – sənəddə deyilir.
Bundan əvvəl “The Washington Post” yazmışdı ki, ABŞ Konqresindəki respublikaçılar Amerika qoşunlarının Əfqanıstandan çıxarılması ilə bağlı təhqiqatı genişləndirmək və bunu demokratları seçki tənqidlərində əsas məsələyə çevirmək niyyətindədirlər.
