Amerika prezidenti Donald Tramp hakimiyyətə gəldikdən sonra ABŞ dünyada populyarlığını itirir.
NOCOMMENT.az xəbər verir ki, bu barədə “Politico” 2025 Demokratiya Qavrama İndeksinə (DPI) istinadən yazır.
Nəşr qeyd edir ki, “respondentlərin əksəriyyəti Birləşmiş Ştatlara ümumilikdə mənfi münasibət bəsləyir, bu, ötən illə müqayisədə kəskin azalmadır”.
Tədqiqat 100 ölkədən 110 000-dən çox respondentin iştirakı ilə aparılıb və demokratiya, geosiyasi məsələlər və qlobal qüvvələrin qavranılmasına həsr olunub. DPİ-nin məlumatına görə, ABŞ-ın populyarlığı xüsusilə Avropa İttifaqının (Aİ) sakinləri arasında aşağı düşüb. Tədqiqatın müəlliflərindən biri, NATO-nun keçmiş baş katibi Anders Foq Rasmussen “Birləşmiş Ştatlar haqqında təsəvvürlərin bu qədər kəskin şəkildə azalmasına təəccüblənmədiyini” söylədi.
Araşdırmaya görə, Çin ilk dəfə qlobal reputasiyada ABŞ-ı geridə qoyub. Bundan əlavə, Rusiyanın populyarlığı getdikcə artır. Ayrı-ayrı liderlərin populyarlığına gəlincə, ABŞ prezidenti Donald Tramp 27 faiz, rusiyalı həmkarı Vladimir Putinin siyasəti isə respondentlərin 32 faizi tərəfindən müsbət qiymətləndirilib. Çin prezidenti Si Cinpinin dəstək səviyyəsi də 32 faiz təşkil edib.
Yanvarda Rusiya 2025-ci ildə dünya ölkələrinin hərbi gücü reytinqində ikinci yeri tutub.
