ABŞ Dövlət Departamenti İordan çayının qərb sahilində mülki şəxslərə qarşı zorakılıqda iştirak edənlərə qarşı viza məhdudiyyətləri tətbiq edir.
NOCOMMENT.az xəbər verir ki, bu barədə Dövlət Departamentinin mətbuat xidməti tərəfindən yayılan ABŞ dövlət katibi Antoni Blinkenin yazılı bəyanatında deyilir.
“Bu gün Dövlət Departamenti zorakılıq aktları və mülki şəxslərin əsas xidmətlərə çıxışını məhdudlaşdıran digər hərəkətlər də daxil olmaqla İordan çayının qərb sahilində sülh, təhlükəsizlik və sabitliyin pozulmasında şərik olduğu hesab edilən şəxsləri hədəf alan yeni viza məhdudiyyəti siyasəti tətbiq edir”, – deyə məlumatda qeyd olunub.
Blinken vurğulayıb ki, Birləşmiş Ştatlar kimin törətməsindən asılı olmayaraq İordan çayının qərb sahilində mülki şəxslərə qarşı bütün zorakılıq aktlarına görə cavabdehlik axtarmağa davam edəcək.
